" .. ولا تدري بأي أرضٍ تموت"
(1)
25 فبراير
كل سنة أحب الكويت أكثر
"أدري بتقولون شاليديد"
و إلا
"بتقولون وايد سمعنا هالحجي"
بس اللي ابيه منكم تسمعون هالسالفة..
"تبون الصج"
ما كنت أدري ليش
كل سنة احب الكويت اكثر
و اليوم بس عرفت اني
"كل سنة أتقرب من ترابها"
"كل سنة تربها يتقرب مني"
كل سنة
"لا"
كل يوم
واحدنا يتقرب للثاني
أكثر
وأكثر
وأكثر
"لا ..لا.."
كل لحظة تمر علي وعليه
يتقرب واحدنا للثاني
أكثر
وأكثر
وأكثر
لين نلتقي
"عاشق ومعشوق"
عشان جذي
"يمه لا تبجين"
(على قولت عبد الله رويشد)
إذا رحت بذاك اليوم
ولا رديت
لأني يومها راح تكون
هذي الروحة اللي بلا ردة
يمه (:
"بس قالج عبد الله رويشد لا تبجين
صح"
"أدري صح.."
يمه لأن هذي الروحة
اللي كنت أنطرها
وتنطرني..
........
(2)
تصدقون اليوم بس
عرفت ليش كل سنة أحب الكويت
أكثر
وأكثر
وأكثر
وتصدقون اليوم بس
عرفت اني ما ابي تراب يغطني
إلا ترابها
يوم
ما اروح و لا أرجع
ويصير لازم تغطوني بالتراب
لا تغطوني إلا بتراب
الكويت
"عشان جذي"
كل سنة تمر
لا
كل يوم يمر
لا
كل لحظة تمر
أقرب من ترابها
أكثر
وأكثر
وأكثر
(3)
تدرون
ياريت ما قلت لكم شي
ياريت خليت هالشي
بيني وبين نفسي
7mood alshayji
الشوق والعشق كلاهما يجسدان معنى الوفاء والتضحية لهذا الوطن الغالي .. الاحتضان النهائي سيكون بأذن الله لتراب هذا الوطن ... ولا تدرى بأي ارض تموت ولكن اذا خيروني فأني سأختار تراب هذا الوطن الجميل .
ردحذفتعليق اخير ..
انا بعرف ليش الناس تمر مرور الكرام ولا تعلق ؟؟؟
اناشد الجميع بالتعبير عن ما يدور في باله وشكرا
انا واثق من هذا الشيء
ردحذفانك لو خيروك جان ما اخترت
غير تراب الكويت
و انا افتخر اني اعرفك
أما ما يخص من لا يعلق
فانا أؤمن بحرية التعبير
وايضاً حرية عدم التعبير
أو ان صح القول حرية التعبير بعدمه
وشكراً لجمالك
وشكرًاً لاهتمامك
7mood