(1)
قبل كنت احاتي و اخاف
اخسر اي علاقة
خصوصاً اللي اقدر اسميها
"حب"
..كنت اسوي كل شي عشان العلاقة
تمشي
حتى لو كان المطلوب مني
اني اوقف على ايدي
وهذا يساوي عندي المستحيل
بس اسويه عشان العلاقة ما يصير فيها
شي
"أي شي"
"بس اليوم .."
أقول .."خفٍ من ثقل"
أدري بتقولون
"ليش ؟!"
لاني إذا حبيت
اعاني
احاتي كل شي
احسب احساب كل شي
"عسى ما يتعب"
"عسى ما زعلته"
"عسى ما اتأخر عليه"
"عسى.."
و
"عسى .."
و
"عسى.."
يمكن لأني اهتم وايد باللي
وياي
"حبيبي"
و أداريه
و اتعب بمداراتي له
وأعطيه كل شي
وهم عقب هذا
"ما يهتم.."
وهم
"يبي أكثر"
(2)
يمكن أنا مشكلتي
أو مشكلة المشاكل عندي
اني
" يا كل شي .. يا و لا شي"
"وهذا صعب"
يعني
" يا أعطيك عمري وحياتي
و رموش عيني"
"يا و لا شي..ما أبي حتى أشوفك"
(3)
تهقون احتاج طبيب نفسي
يعالج هالفكرة عندي
و إلا أدق على فوزية دريع
عشان تعالج طريقتي
في الحب
(4)
بس تبون الصج
"خفٍ من ثقل"
ما هقيت أخلص من هالموضوع..
7mood alshayji
بصراحه يا اخي العزيز .. توجد لديك حلقة مفقوده اهي الوسطية.. بكل شي في الحياة الاعتدال هو الحل .. سواء بالاكل .. او الراحة او التعامل او عمل اي شيء في حياتك .
ردحذفوكما قالوا الجمال دائما يكمن في التوازن .. والطائرة لا تطير الا من خلال الاعتدال والتوازن بين الجناحين .
اذن التوازن اوالاعتدال او الوسطية في الامور اساس الحياة الناجحة.
في الوسطية و التوازن الكثير من التفاق
ردحذفيفقد الحياة الكثير من حلاوتها
و الحياة
هي حياة وحدة
يا تاخذها كلها
يا التنازل عنها
أما تخاف يطيح عليك الساس وانت هم تمشي تحته
فهذا امر يخص الناس اللي مو عايشين
وحسبالهم ان الساس هو اللي يحميهم
الحامي الله
و اما كل شي والا ولا شي
تذكر كلمة
؛ يا النصر يا الشهادة"
أنا هنا لا آخذها بمنظور اسلامي
وانت تعرف هذا جيداً(:
لكن آخذها
إما
تاخذ كل شي
وإلا تموت
وبس
يا كل شي يا ما كو
وكل شي يختلف من شخص إلى شخص
كل على قدرتة ورغبته
وبس
يا كل شي .. يا ما كو
7mood
مفهوم المتعة نسبي يختلف من شخص الى اخر :) واحنا خالصين من هالموضوع من زمان
ردحذفالمهم
انا بالنسبة لي المتعة في توازن الامور
الجميل في التوازن .. وفقا لمفهومي
ان الواحد يجرب كل شي سواء حلو او مر
ولكن لا ينغمس في شيء على حساب شيءاخر
الوسطية هي تجربة لكل شيء والاستمتاع بكل شيء سواء كان جيدا او سيئا
والله الحافظ.
انا ما اتكلم بس عن المتعة
ردحذفانا اتكلم عن اسلوب حياة
احياناً انا ما استمتع
احياناً اكون حزين فوق ما تتصور
لكن لازم اعيش الحزن كله
يا كله يا ما كو هذه الحياة
و الحلول الوسطية هي خدعة
نستدرج فيها روحنا
7mood
عيش حياتك كما تحلو لك ... اهم شي تكون مرتاح
ردحذفوعلى قولتهم لا يعرف طعم الايمان الا من ارتكب معصيه !! فا اذا نويت ترتكبها ارتكبها صح واشعر بعدها بطعم الايمان
يعني استسلمت
ردحذف؟